European Leadership Forum

Fforwm Ewrop 6

Daeth diwrnod y teithio. Ond nid y siwrnai oedd yr unig beth ar fy meddwl. Neithiwr, wedi’r cyfarfod olaf, aeth pump ohonom am dro i dafarn heb fod ymhell o’r gwesty lle buom yn aros. Gyda mi roedd Dau gyfaill o Ogledd Iwerddon, gweinidog ifanc o Hwngari a gŵr o Sweden sydd wedi bod yn gweinidogaethu, ond oherwydd afiechyd roedd wedi gorfod rhoi ei waith heibio dros dro. Buom yn trafod yr wythnos a sut fyddai’r hyn roeddem wedi ei brofi yn dylanwadu ar yr hyn fyddwn yn ei wneud. (rhagor…)

By Dafydd Job, ago

Fforwm Ewrop 5

Michael Oh, cyfarwyddwr mudiad Lausanne

Michael Oh, cyfarwyddwr mudiad Lausanne

Gyda’r Fforwm yn tynnu at ei therfyn, dilynodd dydd Mercher yr un patrwm mwy neu lai â’r dyddiau eraill. Roedd brecwast unwaith eto am 7.00, a’r tro hwn daeth dau i gael eu mentora. Mae’r ddau yn gweinidogaethu mewn eglwys ym Mudapest, Hwngari, a phroblemau yn deillio o gyfnod y cyn-weinidog. Buom yn trafod am bron i ddwy awr gan golli rhan o gyfarfod cyntaf y dydd. (rhagor…)

By Dafydd Job, ago

Fforwm Ewrop 4

Canu gyda'n gilydd yn y Fforwm

Canu gyda’n gilydd yn y Fforwm

Wedi prysurdeb dydd Llun teimlais reidrwydd i geisio cael diwrnod ychydig yn fwy tawel dydd Mawrth. Mae’r boreuau yn olau yma, a chan fod Jerry sy’n rhannu ystafell gyda mi yn codi am 4.30 bob bore i fynd allan i redeg rwyf fel arfer i fyny erbyn 5, ac yn cael amser i ddarllen ac ysgrifennu. Yna am 7.00 bydd yn amser brecwast. Y tro hwn roeddwn yn mentora gweinidog o Kiev yn yr Iwcraen. (rhagor…)

By Dafydd Job, ago

Fforwm Ewrop 3

Ajith Fernando, sy'n arwain ein darlleniadau Beiblaidd

Ajith Fernando, sy’n arwain ein darlleniadau Beiblaidd

Dydd Llun
Dyma efallai y diwrnod prysuraf i mi eleni. Amser brecwast bum yn mentora gwraig sydd, ynghyd â’i gŵr wedi bod yn gofalu am eglwys yn yr Iseldiroedd. Gan ei bod hi yn 65 a’i phriod yn 74 roedd yn adeg iddynt ymddeol o ofal yr eglwys, ond roedd rheini yn anfodlon i adael iddynt fynd. Dyma enghraifft o rai heb lwyddo i gael yr eglwys i gymryd cyfrifoldeb dros eu gwaith. Mae egwyddor gweinidogaeth yr holl saint yn un Feiblaidd, ond hefyd yn un ymarferol dda hefyd. Pan fydd y cyfan yn dibynnu ar un neu ddau, yna os byddan nhw yn gorfod tynnu allan o’r sefyllfa mae perygl i’r eglwys fethu. (rhagor…)

By Dafydd Job, ago

Cynhadledd ELF 8

Rhai o'r cynadleddwyr yn ELF

Rhai o’r cynadleddwyr yn ELF

Rwyf bellach ar fy ffordd adref o Wisla. Roedd y cyfarfod olaf yn gyfle braf i ni gyd addoli gyda’n gilydd – dros 40 o genhedloedd gwahanol, a’r tro hwn roedd nifer dda o’r gwirfoddolwyr sy’n peri bod y gynhadledd yn rhedeg yn esmwyth wedi ymuno gyda ni. Mae’r rhan fwyaf o’r rhain yn dod o’r UDA. Bydd llawer ohonyn nhw yn rhoi heibio yr ychydig wyliau sydd ganddynt, a phawb yn talu ei ffordd ei hun. Maent yn ein tywys, yn paratoi taflenni di rif o wybodaeth, recordio’r cyfarfodydd ar sain ac ar fideo fel eu bod ar gael i ni wedyn, trefnu ein teithio nol a mlaen i’r maes awyr, gweddio a llu o bethau eraill. Gwerthfawrogir eu cyfraniad yn fawr. (rhagor…)

By Dafydd Job, ago

Cynhadledd ELF 5

Dydd Llun.

Wedi brecwast am 7.00 roedd y prif gyfarfod am 8:15. Roedd John Lennox yn ein harwain eto drwy hanes Abraham. Y tro hwn dilynwyd y patriarch o’i alwad (Genesis 11:1) ymlaen i’r Aifft lle cafodd ei geryddu oherwydd Sarai, ymlaen i’r rhyfel lle achubodd Lot, a’i gyfarfyddiad gyda Melchisedec. Roedd llawer o gymhwyso ymarferol yma, a her i ystyried ein perthynas â’n gwragedd/gwŷr, ein eiddo, a’n uchelgais.
 

Yr Athro William Edgar

Yr Athro William Edgar

(rhagor…)
By Dafydd Job, ago