Eglwys efengylaidd Gymraeg wedi ei lleoli yng nghanol dinas Bangor yng Ngwynedd yw Capel y Ffynnon.
Rydym yn gymdeithas o bobl sy’n caru’r Arglwydd Iesu Grist. Mae ein hoedran, ein cefndir a’n diddordebau yn amrywio, ond rydym i gyd wedi dod i gredu mai’r peth mwyaf pwysig yw cael perthynas fyw efo Iesu Grist. Mae hyn yn rhoi ystyr, cyfeiriad a gwerth i’n bywydau.
Amcanion yr yr Eglwys yw i addoli’r unig wir Dduw, cyhoeddi efengyl Iesu Grist gan ddod â phobl i mewn i gymdeithas ei deulu, eu meithrin i ddod yn debycach i Iesu Grist, ac i ymarfer eu doniau i gymeradwyo Crist i eraill a gwasanaethu’r gymdeithas.
Yn ystod yr argyfwng Covid19 mae’r Eglwys yn gwneud defnydd helaeth o Zoom a Youtube wrth gynnal cyfarfodydd.
Fel arfer, mae’r Eglwys yn cyfarfod yn rheolaidd yng Nghapel y Ffynnon. Lôn Penrallt Isaf, Bangor bob dydd Sul am 10:30 y bore a 6 y nos. Mae Ysgol Sul y cael ei gynnal ar 9:45 y bore, cyn yr oedfa. Cynhelir Cyfarfod Gweddi/Astudiaeth Feiblaidd fel arfer bob nos Fercher am 7:30.
Ar hyn o bryd oherwydd gwaith adeiladu, rydym yn cyfarfod yng Nghanolfan Penrhosgarnedd.
Cyfeiriad y ganolfan yw – Ffordd Penrhos, Bangor LL57 2NN
Mae modd clywed pregethau Capel y Ffynnon drwy’r dudalen YouTube – https://www.youtube.com/channel/UCA5RYrRNLOLZw27InrtmF9A
Rydym hefyd yn cynnal cyfarfodydd i blant a phobl ifanc.
Gweinidog Capel y Ffynnon – Rhodri Glyn
Mae gan yr Eglwys statws elusennol. Rhif Cofrestriad Elusennol yr Eglwys yw: 1172243