Nadolig

Tymor yr Adfent vii

Un o’r pethau sydd wedi bod ar y newyddion y dyddiau diwethaf yw’r olygfa dorcalonnus o gartrefi wedi eu hysgubo ymaith gan y stormydd ar arfordir dwyrain Lloegr. _71575463_1450054_631343586904031_1190890853_nRoedd y môr wedi bod yn bwyta ymaith y clogwyni tywod ers blynyddoedd. Yna ar nos Iau daeth y cyfuniad o lanw uchel ag ymchwydd y tonnau yn sgîl y gwynt cryf i ysgubo’r tywod i’r môr. Mae’n debyg bod yr eironi yn fwy oherwydd fod perchnogion y tai ar y pryd mewn cyfarfod yn y dafarn leol i godi arian er mwyn adeiladu rhyw fath o amddiffynfeydd yn erbyn y tonnau. (rhagor…)

By Dafydd Job, ago

Tymor yr Adfent vi

Un peth fydd yn llenwi’r newyddion heddiw ar y teledu a’r papurau newyddion – Marwolaeth Nelson Mandela. Dyma ddyn ddaeth yn arwr byd yn sgîl ei benderfyniad i geisio torri cylch atgasedd yn Ne Affrica. images Fe ddioddefodd gael ei garcharu am saith mlynedd ar hugain. Ond erbyn diwedd ei gyfnod yn y carchar roedd llywodraeth y wlad yn pledio am ei gyd-weithrediad. Pe byddai wedi ymateb yn wahanol gallai’r wlad fod wedi troi yn faes y gad. Ond dewisodd lwybr oedd yn gosod cymod uwchlaw chwerwedd, ac am hynny mae ei ddylanwad yn fawr. Yn sicr mae yn un o gymeriadau mawr ein hoes ni. Rhaid diolch am ei arweiniad a chryfder ei gymeriad urddasol. (rhagor…)

By Dafydd Job, ago

Tymor yr Adfent v

Mae Cristnogion gyda thuedd i gwyno yn y wlad hon ein bod yn cael ein gwthio i’r ymylon. Mae’r hawl i gyhoeddi ein neges yn cael ei fygwth. Rydym yn clywed am bobl ddim yn cael gwisgo croes i’r gwaith, neu am rai sy’n pregethu ar y stryd yn cael eu harestio a’u cyhuddo o ryw drosedd neu gilydd. (rhagor…)

By Dafydd Job, ago

Tymor yr Adfent iv

Ydech chi’n un o’r bobl hyn sy’n paratoi popeth mewn digon o amser, neu ai rhywun munud olaf ydych chi? Mae’r rhan fwyaf ohonom yn gymysgedd o’r ddau. Mewn rhai pethau byddwn wedi meddwl digon o flaen llaw, ond mae yna bethau eraill sy’n cael eu gosod o’r neilltu tan y foment hwyraf posib. Mae Gŵyl y Geni yn tynnu allan y gwahaniaeth mewn llawer. Bydd rhai yn gwbl drefnus wythnosau o flaen llaw, tra bydd eraill yn sgramblo i gael yr anrheg olaf ar Noswyl Nadolig. (rhagor…)

By Dafydd Job, ago

Tymor yr Adfent iii

Beth mae hanes y Nadolig yn ei ddangos? Beth yw’r peth mwyaf amlwg yn y cyfan? Os ydych wedi darllen y ddwy fyfyrdod flaenorol, fe wyddoch ein bod wedi bod yn edrych ar Eseia 40 gyda Handel yn ei oratorio enwog. Mae’r tenor wedi cael agor yr oratorio gyda dwy gân, ond yna daw pawb i mewn i ymuno mewn corawd ysbrydoledig i ddatgan yr hyn yr oedd Eseia wedi ei ddirnad: “A gogoniant yr Arglwydd a ddatguddir, a phob cnawd ynghyd a’i gwêl” (Eseia 40:5) (rhagor…)

By Dafydd Job, ago

Tymor yr Adfent 2013 ii

Ddoe fe soniais i am y gân gyntaf yn oratorio Handel, sy’n ein cyfeirio at y cysur mae Duw yn ei gynnig i ni. Mae’r ail gân yn y Meseia yn parháu i ddyfynnu’r proffwyd Eseia, gan symud ymlaen i’r bedwaredd adnod “Pob pant a gyfodir, a phob mynydd a bryn a ostyngir: y gŵyr a wneir yn union, a’r anwastad yn wastadedd.” (Eseia 40:4 Beibl William Morgan) (rhagor…)

By Dafydd Job, ago

Tymor yr Adfent 2013

Mae’n ddiwrnod cyntaf mis Rhagfyr, ac er bod y siopau wedi bod yn ein hatgoffa fod y Nadolig yn dod yn nes ers tro, heddiw yw’r adeg traddodiadol i ni fod yn dechrau paratoi ein hunain ar gyfer Gŵyl y Geni. Neithiwr rhoddwyd perfformiad o oratorio enwog Handel, Y Meseia, yng Nghadeirlan Bangor. (rhagor…)

By Dafydd Job, ago

Nadolig 12

Dyma ni wedi cyrraedd dydd gŵyl Ystwyll, sy’n nodi diwedd tymor y Nadolig. Dathlwyd y dydd hwn i gofio’r doethion o’r Dwyrain yn dod i addoli’r Brenin yn y crud. Rydym ninnau wedi cael cyfle dros bump wythnos i feddwl am arwyddocád y wyrth fwyaf erioed – Duw ymddangosodd yn y cnawd. (rhagor…)

By Dafydd Job, ago

Nadolig 3

Fe gefais fy nghyfeirio at gân ar y we yr wythnos ddiwethaf oedd yn un o’r parodïau ar ganeuon traddodiadol y Nadolig. (http://www.youtube.com/watch?v=ZoINm3ZWlAE) Mae’r pennill cyntaf fel a ganlyn:

Oh, I just got a message from old Saint Nick way up in Christmas land;
And he said the toys for good girls and boys are being made as planned;
There’s a truck for little Billy, and a dolly for Molly dear,
But you ain’t getting diddly squat, ‘cos you really messed up this year! (rhagor…)

By Dafydd Job, ago

Tymor yr Adfent 24

Mae’r Nadolig yn amser o lawer iawn o ganu ac i Gristnogion canu mawl i Dduw yw’r peth pwysig.
Un o’r dadleuon sy’n cael ei defnyddio yn erbyn Cristnogaeth ydi – pa fath o Dduw ydi hwn sy’n mynnu fod pawb yn ei addoli? – mae’n swnio’n hunanol, ego-centric. Dyma’r Duw sy’n megalomaniac. (rhagor…)

By Dafydd Job, ago